តើអ្វីជាការផ្ទេរកម្មសិទ្ធិលើអចលនវត្ថុ?

ការផ្ទរកម្មសិទ្ធិលើអចលនវត្ថុ (ប្លង់រឹង) គឺជាការចុះបញ្ជីនូវរាល់ការផ្លាស់ប្ដូរសិទ្ធិនៃក្បាលដី ដែលបានចុះបញ្ជីរួចហើយ ឬហៅម្យ៉ាងទៀតថា ការចុះបញ្ជីដីធ្លីបន្ត។ ហើយការផ្ទេរកម្មសិទ្ធិអាចកើតមានឡើយតាមរូបភាពផ្សេងៗគ្នារួមមានជាអាទិ៍។

• តាមរយៈការលក់ទិញ។
• តាមរយៈសន្តតិកម្ម។
• តាមរយៈប្រទានកម្ម។
• តាមរយៈអំណោយ។
• តាមរយៈការជួលរយៈពេលវែង ។ ឬ
• តារមយៈអំណាចនៃសាលក្រម ឬសាលដីកា របស់តុលាការស្ថាពរ
• មូលហេតុផ្សេងទៀតដែលមានចែងនៅក្នុងច្បាប់ ឬបទដ្ឋានគតិយុត្តផ្សេងទៀត។

ប៉ុន្តែនៅក្នុងអត្តបទខ្លីនេះ ខ្ញុំសូមផ្ដោតទៅលើតែការផ្ទេរតាមរយៈការលក់ទិញមួយតែប៉ុណ្ណោះ។

ករណីនៃការផ្ទេរកម្មសិទ្ធិលើអចលនវត្ថុដោយការលក់ទិញអ្នកលក់ និងអ្នកទិញត្រូវរៀបចំឯកសារដូចខាងក្រោម៖

ឯកសារតម្រូវរបស់ភាគីអ្នកទិញត្រូវមាន៖

• អត្តសញ្ញាណបណ្ណសញ្ជាតិខ្មែរ (បញ្ជាក់បានថតចម្លងត្រឹមត្រូវតាមច្បាប់ដើមដោយច្រកចេញចូលតែមួយនៃរដ្ឋបាលខណ្ឌ)។
• ច្បាប់ថតចម្លងនៃសៀវភៅគ្រួសារ ឬសៀវភៅស្នាក់នៅ។
• សេចក្ដីចម្លងសំបុត្រកំណើត ។
• សេចក្ដីចម្លងសំបុត្រអាពាហ៍ពិពាហ៍ (ករណីរៀបការ)។
• លិខិតបញ្ជាក់ភាពនៅលីវ (ករណីនៅលីវ)។
• ឯកសារផ្សេងទៀតតាមការចាំបាច់។

ចំពោះការផ្ទេរនេះ នៅមានលក្ខខណ្ឌផ្សេងៗមួយចំនួនទៀតដូចជាថាតើលោកអ្នក ជាអ្នកទិញតែម្នាក់ឯង ឬទិញជាមួយបងប្អូន មិត្រភក្រ ឬដៃគួររកស៊ីជាមួយ បើដូច្នេះត្រូវមានឯកសារបន្ថែមមួយចំនួនផ្សេងទៀតទៅតាមលក្ខខណ្ឌណាមួយដែលលោកចង់បាន។

សូមអរគុណ!